金管局聯同一眾銀行及支付工具代表等，舉行了啟動儀式，正式確定於 9 月 30 號開放使用。對於呢個新系統，相信好多香港市民都仲係一頭霧水，
簡單來講，「轉數快」就係金管局建立嘅一個中央系統，目的係幫助現時市面上多達二十多間銀行以及手機支付平台作出互相連接，等大家可以跨平台跨銀行都可以互相轉賬，方便朋友夾錢食飯、商店購物、唔同手機支付程式之間互相轉賬等，從而做到無現金化。而且仲係 24×7 無間段運作，以及可以做到即時轉賬等優勢。用戶只需要透過銀行或支付工具作出登記，就可以綁定以手機號碼、電子郵件、HKQR 二維碼等作支付識別。
要用「轉數快」的話，首先大家要去一間有提供「轉數快」服務嘅銀行登記賬號，只要透過手機號碼或電郵電址登記即可，而且可以去幾間唔同銀行登記。不過，你只能夠設定其中一個做「預設賬號」。登記咗之後，手機號碼或電郵地址就會係你嘅「身份識別」，以後就可以透過呢個預設賬戶利用手機號碼或電郵地址來支付或收錢。
目前，共有 21 間本地銀行及 10 間儲值支付工具營運商加入了「轉數快」系統，用戶在成功登記後，只要有對方手機號碼或電郵，便可進行即時過數；商戶亦可展示 QR Code 即時收取不同銀行或儲值支付工具的消費付款。
現時，已經提供「轉數快」嘅各間銀行或支付工具都推出咗登記服務。登記方式主要係透過各間銀行網站或手機應用程式來登記。如果大家有裝相關銀行推出嘅手機 App 的話，相信最近更新後都會見到登記提示，大家跟住登記就得。冇用手機App，亦都可以透過各間銀行網站進行登記，幾間大銀行連結如下：
不過用戶要留意每間銀行的登記方式略有不同，實際上大同小異，接下來便以渣打銀行《SC Mobile》應用程式作登記示範︰
Step 01︰首先，用戶需要更新至最 update 程式版本，然後開啟並登入網上銀行帳號。
Step 02︰然後便會看到「轉數快」系統登記頁面，點按「Register」進入下一步。跟着便可自選以手機號碼或電郵地址作綁定方式；建議選用手機號碼，安全性較高。若用戶有多個銀行戶口，便需要揀選轉帳戶口。最後設定轉帳金額上限，每日可經「轉數快」系統轉帳最高 HK$10,000，視乎各間銀行及帳號權限而異。
Step 03︰用戶隨即會接收到一次性密碼認證訊息，輸入後再按 「submit」，便完成整個登記程序。
用「轉數快」有冇手續費或轉賬限額？
「轉數快」設立目的之一係要降低電子支付門檻，好等廣大市民都可以享用到，所以設定咗「少額」(一萬港元) 免費轉賬呢個概念。之不過，呢個「額」就有機會每一間銀行或者支付工具都唔同，唔少支付程式都有設定「免認證」或「要身份認證」，唔同認證級別有唔同轉賬限制，一般都是數千港元內免費，大家設定不一。另外，雖然「轉數快」可以跨平台轉賬，但係對於一類需增值的電子銀包式支付工具來講，直接透過綁定信用卡轉賬至其他平台或產生不同嘅手續費用。所以，只好建議大家向相關銀行或支付工具查詢一下為準。最快做法，就係睇一睇各間銀行或支付工具提供嘅 Q&A 說明就一清二楚。
「轉數快」點樣用？
要用到「轉數快」一般相信都離唔開幾大情景：一：P2P (朋友間夾錢食飯／還錢畀朋友／畀家用啊媽..等等)；二：P2B (購物、消遣、交通、食飯 等等)；三：P2O (網上購物)。
現時一般最快趣嘅方法都係用手機 App，無論係各大銀行或者手機支付程式平台，只要更新及登記咗，喺 9 月30 日或之後就可以正式使用。支付過程中，可以掃瞄 QR Code、以登記人電話號碼或者電郵地址，就可以作出跨銀行或跨程式平台即時轉賬。下邊分別有八達通 App、HKT (Tap & Go)、WeChat Pay 等操作示範影片俾大家睇睇：
匯豐銀行 App「轉數快」操作示範
八達通 App「轉數快」操作示範及轉賬限制說明
WeChat Pay「轉數快」服務操作示範
HKT 今次除咗已經喺旗下 Tap & Go 電子錢包加入「轉數快」支援外，還推出一部叫「智能POS」供商戶用嘅便攜式銷售點裝置。能支援以近距離通訊（NFC）、 信用卡的晶片及磁帶，以及 QR 碼付款模式，接受Apple Pay、Google Pay、Samsung Pay、香港及內地之支付寶及微信支付手機錢包、Visa、Ma stercard 及銀聯信用卡，以及八達通等等。
沒有留言:
張貼留言