兩電加價

今日唔係講股，呢幾日睇咗關於兩電加價的報導，真係不吐不快，兩電大幅加價當然令市民好㷫，但據報導講政府及曾蔭權對此也憤怒鳥，筆者就真係大感不惑，乜個電力管制計劃協議唔係佢地喺０８年與兩電訂立的嗎？個協議保障兩電可穫得9.99％的准許回報，咁而家政府就束手無策喇。政府無嘢做到，就將個波交俾我地呼籲市民喺Ｆａｃｅｂｏｏｋ網頁按「讚好」，唔怪得又俾網民話小學雞。

呢個香港廣大市民及營商者的不幸，就只能怪政府當時訂立協議時無想清楚，以中電為例，翻查中電０７年度年報所得，協議是在０８年１月７日達成，中電在０７年的港元借貸利率介符3.3％－5.7％，假設平均4.5％計，即是以當時借貸利率計中電就算以借貸作投資亦可無風險穫取5.49％的回報，而１月７日港元同業拆息只是3.55％。

當筆者嘗試代入中電的角色，如果想盡用這個協議保障謀取最大利潤化，就會盡量用各種名目增加投資，因為投資愈多、利潤愈大，保障回報遠遠大過借貸利率也。

唔知筆者估得啱唔啱，但跟據年報數字，中電０７年底香港分部綜合資產８１７億港元（下同），綜合負債５１０億，至１０年底綜合資產增加至９８２億，綜合負債７０１億。

資產大增，係咪令發電量大增以抵消成本增加，年報表示０７年度發電量26,697百萬度，１０年度發電量卻輕微跌至26,018百萬度，主要發電廠為龍鼓灘及青山無變，好明顯資產增加並不是因為發電量增加。

筆者並不是發電業專家，以上觀察亦不知正確與否，但歷史話專營權往往不會帶給廣大市民高效率而低成本的服務應該是正確的。

回到股市，大家有冇留意俄國入世上週五表決通過，長遠俄侶（４８６）相信會受惠，而週五股價亦明顯跌後有強大買盤支持，估值不高可留意。

新報吳系講股

2011年12月19日