內銀股－回到０６年

今期回顧內銀股，股齡長一點的朋友，應該記得內銀股在海嘯前的光輝歲月，回到過去，第一隻在香港上市的內銀股是交行（３３２８），率先在０５年６月登陸，同年１０月建行（９３９）及０６年中行（３９８８）、招行（３９６８）和工行（１３９８），其餘四隻內銀股則是０７年或之後上市。

大家回想下０６年邊隻內銀股是最當時得令，我就記得交行因為滙控作為主要股東被視為會將其優良管理學成，長線前景美好，還有招行普遍被譽為服務優越、管理先進、盈利質素最好，首日掛牌已升２５％，還有工行作為中國最大銀行亦有其捧場客，大家又知唔知道從０６年底到最近，邊隻內銀表現最叻，咁喺當年你又預唔預計到呢？

因各內銀期內也有供股，再加上送紅股及派股息，讀者想計算期間回報不可只用０６年底收市價作為成本價，而可行方法是假設在０６年底買入１０００股，然後再跟據供股使費減去多年派息計算總成本，並以供股及送紅股計出最終獲得的股數，將總成本除股數就能得出每股的成本價。

建行０６年底收市價＄4.95，供股前派息共69仙人民幣，然後１０年10股供0.7股，再派息２１仙，總成本＄4263並獲得１０７０股，每股成本＄3.98，以１１月底收市價＄5.26計，約五年投資期回報３２％。

用同樣方法計算，工行、交行、招行及中行的回報分別是６％、－３４％、７％和－３１％，交行居然列於末席，你當年預計到嗎？在下就估不到。股票市場永遠都唔係眾望所歸就會跑出，係就個個賺錢啦！

成報吳系講股

2011年12月07日