７１送大禮？

　　各位讀者，對唔住！今日筆者唔寫股票。

　　下筆時還未知７１遊行情況，但相信一定會比前數年更墟冚。普羅市民對「港人治港」每況愈下實在感到不安，太多太多事件令市民失望。不少權貴高官因何知法犯法？僭建竟成為他們住所的潛規則，部份人事甚至在被揭發後仍對僭建不作清拆，為何執法者又奈佢唔何！曾在某年初一買小販零食時，親眼見小販隊從一架駛近小販的Ｖａｎ仔一躍而下，生擒小販，效率不知幾高。最令香港人失望竟是之前兩位特首候選人竟同涉及僭建，可憐大多港人只能住在縮水樓，一些權貴卻可發水自己居所。

　　有記者向國家主席胡錦濤提問政治敏感問題後被帶走１５分鐘，是非黑白各位自有定論，筆者覺得最攪笑是警方又用「個別事件」這答法解決，如果任何失誤也用個別事件去解釋，甚至答者真的以為是個別事件，世界那有進步？例如長期輸錢的投資者，每次投資錯誤後都用個別事件來安慰自己，卻不作檢討；幫客戶及自己投資的筆者，如果連續兩年跑輸大市又用個別事件向客戶解釋，你係客戶收唔收貨？

　　上週五看友報文章論及每逢七一公布一大堆中港經濟互動新措施，其實唔應該叫送禮，只因此乃中港兩地互補長短，經濟融合雙贏共利等等，筆者其實都幾贊同。不少這些挺港措施，只是令港企可參與某些內地受管制行業，但不代表中國政府對港企比內企有更優惠對待，港企仍要憑實力打敗對手才可分一杯羹，所以不算送大禮。

　　如果這叫送大禮，香港大部份行業也歡迎世界資金參與，那麼港人應該是地球上最慷慨的人其中之一，每天都送大禮俾世界各地。

　　筆者一向都自嘲政治冷感，唔知點解今日寫呢Ｄ嘢，希望冇需要有下次。

成報吳系講股

2012年7月2日